فن التعاطي
فن التعاطي
قولي بربك ويش تبغين بالضبط
محال الضل خلف الصفوف احتياطي
عند اختلاج النفس فكري ملخبط
ما تاتي الأفكار بشكل اعتباطي
أضحت دروبي خبط عشوا اخبط
وانتي الخيانة ميزتك والتواطي
حتى وصالك بالمكائد مخطط
وصال مجروحٍ بسيف التباطي
إن قلت أدون قصتك يخجل الخط
وتهرب من أحضان الحروف النقاطي
وان قلت أثبت بشاطئ الحلم مربط
فتأتي الأمواج تقص الرباطي
وقصتي لو كان رآها تأبط
شرا يقدر موقفي واشتراطي
أحرق بنار البين فقد شعري اشمط
والبحر ما يروي جفاف الشواطي
والدندنه عندي تعاويذ محبط
يشهد على تلك العبارات خاطي
ما همني من قول سافل ومنحط
فميزة الآداب فن التعاطي
وما انا انتهازي بالسفايف اشغبط
من عادتي افرش لضيفي بساطي
وأهل النميمه ما اجي صوبهم قط
وما انا من اللي يبتدع فكر واطي
والزم حدودي لا انافق ولا اغلط
واوفا بوعدي والتزم بارتباطي
التعليقات
أضف تعليق